د سوات د ترهګرۍ ضد محکمې قاضي د کورنۍ له دریو غړو سره ووژل شو – DawatMedia24



پېښور: تېره ورځ د پېښور په صوابۍ سیمه کې د ترهګري ضد قاضي حاجي افتاب افریدی د نامالومو کسانو له لوري له خپلې مېرمنې، لور او لمسۍ سره یوځای وژل شوی او موټر چلونکی یې سخت ټپي دی.

یاده پېښه د صوابۍ کوچني لاهور سیمه کې د پولیسو تاڼې سره نږدې رامنځته شوې.

د سیمې د پولیسو په خبره، په دوه موټرو کې سپرو نامالومو کسانو د قاضي حاجي افتاب پر موټر ډزې کړي او له سیمې تښتېدلي دي.

اوس پوښتنه داده، چې ولې په داسې امنیتي ساحه کې قاضي ترور شي او د پېښې عاملین دې په تېښته بریالي شي؟
د پاکستاني شنونکو په اند، لاهم د پاکستان حکومت په کور دننه د هغو کسانو د وژلو لپاره ځانګړې ډلې لري، چې د یاد حکومت پر وړاندې خنډ جوړوي.

له تېرو ۱۲ کلنو راپه دې خوا په یاد هېواد کې د ترهګري ضد قاضیانو هدفي وژنې دوام لري، چې لایې هم عاملین په ښکاره ډول معلوم نه دي؛ خو په پاکستان کې د سیاسي ګوندونو مشران، سیاسي شنونکي، د رسنیو کارکوونکي او خپله یو شمېر قاضیان وايي، چې هر څوک، چې په پاکستان کې د ترهګري ضد غږ پورته کوي، د یاد هېواد د پوځ له لوري ترور کیږي.